Napulitano

Bemmenute ô sitio pe ll'indipennenza e ‘a libbertà d’‘e Ddoje Sicilie!

‘E Ddoje Sicilie
Chisto sitio sta addedecato ô Reame d’‘e Ddoje Sicilie, ll’antico Stato ndipennente e sovrano ‘e ll’Italia d’‘o sudd. Chisto cumprenneva a tutt’‘o Sudd, ‘e ll’Abbruzzo, ‘o Molise e parte d’‘o Lazzio (‘e distritte ‘e Gaeta e Sora, tanno parte d’‘a pruvincia ‘e Terra di Lavoro, cu Ccaserta; e parte 'e ll'antica pruvincia 'e ll'Aquila: 'o Cicolano e 'e territorie d''a valle d''o shummo Velino, ca Mussolini trasferette ô Lazzio ô 1923), nfin’‘a Puglia, ‘a Bbasilicata, ‘a Calabria e ‘a Sicilia (vide ‘a mappa cchiú abbascio). ‘O Regno d’‘e Ddoje Sicilie fuje occupato, senza manco na dichiarazzione ‘e guerra, d’‘e piemuntese (Regno ‘e Sardegna) ô 1860. Pe ddiéce anne fummo capace ‘e resistere, però ‘e piemuntese e ll‘ate d‘’o nord ausàrono metode ‘e repressione pèggio ‘e chille ca furono po’ ausate d’‘e nazziste ‘int’‘a seconna guerra mundiale. Accirèttero cchiú ‘o meno nu milione ‘e napulitane e siciliane. Mettettero ‘e surdate d’‘e nuoste ‘int’a camp’‘e cuncentramento ô nord, tant’‘e lloro nun turnarono maje â casa, ‘e piemuntese ll‘accupparono vuttannele ‘int’‘a càuce viva. Cinquantaquatto pajese fujeno cumpletamente sgarrupate. Tutt’‘e solde d’‘o Tesoro d’‘o Stato d’‘e Ddoje Sicilie fujeno arrobbate e carriate ô nord. Se carriarono ô nord perzí ‘e macchinarie d’‘e ffàbbriche napulitane, e lloco nascettero dapò ‘e nnústrie d’‘o Piemonte, d’‘a Lombardia e d’‘a Ligúria (chello ca dóppo chiammarono ‘o triàngulo nnustriale). A tutto chesto s’ha da jógnere ‘a depressione econòmica ca fuje causata d’‘a pulítica culunizzatrice d’‘e guverne “unitarie nazziunale”, ca sempe hanno sfruttato e spremmuto ‘e tterre ca conquistarono, pure comme mercato p’‘e prudutte d’‘o nord, mpiccianno n tutt’‘e mmanere possíbbele ca ô sudd putessero nascere nnústrie ‘e na certa mpurtanza senza ‘e capitale d’‘o nord. A sula cosa ca tante napulitane e siciliane putettero fà fuje levà mano e lassà ‘a patria d’‘a lloro pe ccercà furtuna a ll‘estero, e n particulare ‘a Mmérica. Ogge ‘e ccose nun songo cagnate, ‘o sudd è na colonia d’‘o nord, sottosviluppato e povero e a‘ migrazzione cuntínua, pure nu Presidente d’‘a Repúbbreca ‘e mo, dice ca ‘e meridiunale (napulitane e siciliane), pe ffaticà, hanna stà appriparate a jí luntano d’‘e ccase lloro).

‘E Ddoje Sicilie	Chisto sitio sta addedecato ô Reame d’‘e Ddoje Sicilie, ll’antico Stato ndipennente e sovrano ‘e ll’Italia d’‘o sudd. Chisto cumprenneva a tutt’‘o Sudd, ‘e ll’Abbruzzo, ‘o Molise e parte d’‘o Lazzio (‘e distritte ‘e Gaeta e Sora, tanno parte d’‘a pruvincia ‘e Terra di Lavoro, cu Ccaserta; e parte 'e ll'antica pruvincia 'e ll'Aquila: 'o Cicolano e 'e territorie d''a valle d''o shummo Velino, ca Mussolini trasferette ô Lazzio ô 1923), nfin’‘a Puglia, ‘a Bbasilicata, ‘a Calabria e ‘a Sicilia (vide ‘a mappa cchiú abbascio). ‘O Regno d’‘e Ddoje Sicilie fuje occupato, senza manco na dichiarazzione ‘e guerra, d’‘e piemuntese (Regno ‘e Sardegna) ô 1860. Pe ddiéce anne fummo capace ‘e resistere, però ‘e piemuntese e ll‘ate d‘’o nord ausàrono metode ‘e repressione pèggio ‘e chille ca furono po’ ausate d’‘e nazziste ‘int’‘a seconna guerra mundiale. Accirèttero cchiú ‘o meno nu milione ‘e napulitane e siciliane. Mettettero ‘e surdate d’‘e nuoste ‘int’a camp’‘e cuncentramento ô nord, tant’‘e lloro nun turnarono maje â casa, ‘e piemuntese ll‘accupparono vuttannele ‘int’‘a càuce viva. Cinquantaquatto pajese fujeno cumpletamente sgarrupate. Tutt’‘e solde d’‘o Tesoro d’‘o Stato d’‘e Ddoje Sicilie fujeno arrobbate e carriate ô nord. Se carriarono ô nord perzí ‘e macchinarie d’‘e ffàbbriche napulitane, e lloco nascettero dapò ‘e nnústrie d’‘o Piemonte, d’‘a Lombardia e d’‘a Ligúria (chello ca dóppo chiammarono ‘o triàngulo nnustriale). A tutto chesto s’ha da jógnere ‘a depressione econòmica ca fuje causata d’‘a pulítica culunizzatrice d’‘e guverne “unitarie nazziunale”, ca sempe hanno sfruttato e spremmuto ‘e tterre ca conquistarono, pure comme mercato p’‘e prudutte d’‘o nord, mpiccianno n tutt’‘e mmanere possíbbele ca ô sudd putessero nascere nnústrie ‘e na certa mpurtanza senza ‘e capitale d’‘o nord. A sula cosa ca tante napulitane e siciliane putettero fà fuje levà mano e lassà ‘a patria d’‘a lloro pe ccercà furtuna a ll‘estero, e n particulare ‘a Mmérica. Ogge ‘e ccose nun songo cagnate, ‘o sudd è na colonia d’‘o nord, sottosviluppato e povero e a‘ migrazzione cuntínua, pure nu Presidente d’‘a Repúbbreca ‘e mo, dice ca ‘e meridiunale (napulitane e siciliane), pe ffaticà, hanna stà appriparate a jí luntano d’‘e ccase lloro).

«Si nce vulite aiutà a sviluppà chisto sitio, cu ttraduzzione, idee, quassiasi cosa, mannatece nu messaggio ‘e posta elettronica a: info@duesicilie.org»

Na Mappa ‘e ll'Italia meridionale - ‘E Ddoje Sicilie

'n Siciliano

Deutsch